कुडाळ :
वार्षिक जत्रोत्सवाचे औचित्य साधून, पिंगुळी (कुडाळ) देऊळवाडी येथील महापुरुष मित्र मंडळाच्या वतीने पिंगुळी गावातील तरुणाईसाठी रेकॉर्ड डान्स स्पर्धेचे आयोजन करण्यात आले आहे. २४ डिसेंबरला श्री देव महापुरुष मंदिर येथे सायंकाळी ६ ते ९ या वेळेत ही स्पर्धा होणार आहे.
नोंदणी करणाऱ्या पहिल्या २० स्पर्धकांनाच स्पर्धेत सहभागी होता येईल. ३००१, २५०१, २००१ रूपये अशी अनुक्रमे प्रथम, द्वितीय, तृतीय पारितोषिक ठेवण्यात आली आहेत. उत्तेजनार्थ प्रत्येकी एक हजार रुपये अशी दोन पारितोषिके तसेच विजेत्या स्पर्धकांना आकर्षक चषक, सहभागी प्रत्येक स्पर्धकास सन्मानचिन्ह देऊन गौरविण्यात येणार आहे.
