*विश्वचषकाच्या उपांत्य फेरीत दक्षिण आफ्रिकेचा पाचव्यांदा पराभव

ऑस्ट्रेलियाने तिसऱ्यांदा उपांत्य फेरीमध्ये केला पराभव*

मुंबई (गुरुदत्त वाकदेकर) :

दक्षिण आफ्रिकेचा संघ पुन्हा एकदा विश्वचषकाच्या उपांत्य फेरीत पराभूत झाला. त्यांना ‘चोकर्स’चा शिक्का पुसून टाकण्याची मोठी संधी होती, पण त्यांना उपांत्य फेरीचा अडथळा पार करता आला नाही. गुरुवारी (१६ नोव्हेंबर) कोलकाता येथील ईडन गार्डन्सवर खेळल्या गेलेल्या उपांत्य फेरीत ऑस्ट्रेलियाने त्यांचा तीन गडी राखून पराभव केला. कांगारू संघ आठव्यांदा स्पर्धेच्या अंतिम फेरीत पोहोचला आहे. अहमदाबाद येथे १९ नोव्हेंबरला (रविवार) यजमान भारताशी त्यांचा सामना होईल. हे दोन्ही संघ २० वर्षांनंतर विश्वचषकाच्या विजेतेपदाच्या लढतीत आमनेसामने येणार आहेत. मागील वेळी २००३ मध्ये कांगारू संघाने भारताचा १२५ धावांनी पराभव केला होता.

प्रथम फलंदाजी करताना दक्षिण आफ्रिकेने ४९.४ षटकांत सर्व गडी गमावून २१२ धावा केल्या. प्रत्युत्तरात ऑस्ट्रेलियाने ४७.२ षटकांत ७ गडी गमावून लक्ष्य गाठले. दक्षिण आफ्रिकेचा संघ पाचव्यांदा उपांत्य फेरीत पराभूत झाला आहे. ऑस्ट्रेलियाने त्यांना तिसर्‍या वेळी बाहेर काढले आहे. ते १९९२ मध्ये इंग्लंडकडून पराभूत झाले होते. १९९९ आणि २००७ मध्ये ऑस्ट्रेलियाविरुद्ध पराभव पत्करावा लागला होता. त्याचवेळी २०१५ मध्ये न्यूझीलंडने त्याचे स्वप्न भंगले होते.

दुसरीकडे, कांगारू संघ आठ वर्षांनंतर विश्वचषकाचा अंतिम सामना खेळणार आहे. ते १९८७, १९९९, २००३, २००७ आणि २०१५ मध्ये विश्वविजेता ठरले होते. १९७५ आणि १९९६ च्या अंतिम फेरीमध्ये ऑस्ट्रेलियाला पराभवाला सामोरे जावे लागले होते. २०१९ मध्ये उपांत्य फेरीत इंग्लंडकडून त्यांना पराभव स्वीकारावा लागला होता.

नाणेफेक जिंकून प्रथम फलंदाजी करणाऱ्या दक्षिण आफ्रिकेची सुरुवात चांगली झाली नाही. कर्णधार बावुमा खाते न उघडताच तंबूमध्ये परतला. यानंतर क्विंटन डी कॉक तीन धावा करून बाद झाला तर ड्युसेन सहा धावा करून बाद झाला. ऑस्ट्रेलियन वेगवान गोलंदाजांनी कोलकात्यातील ढगाळ वातावरणाचा फायदा घेत मार्करामला १० धावांवर बाद केले. दक्षिण आफ्रिकेचा संघ २४ धावांत चार विकेट्स गमावल्यानंतर संघर्ष करत होता. यानंतर क्लासेन आणि मिलरने डावाची धुरा सांभाळली. या दोघांनी पाचव्या विकेटसाठी ९५ धावांची भागीदारी करून सामन्यात आपल्या संघाचे पुनरागमन केले. ४७ धावा करून क्लासेन हेडचा बळी ठरला आणि पुढच्याच चेंडूवर यानसेनही खाते न उघडता बाद झाला. त्यानंतर कोईत्झेने मिलरला साथ दिली आणि दोघांनी सातव्या विकेटसाठी ६३ धावांची भागीदारी केली. पॅट कमिन्सने वैयक्तिक १९ धावांवर बाद झाला, पण तोपर्यंत दक्षिण आफ्रिकेची धावसंख्या १७२ धावांवर पोहोचली होती. महाराज चार धावा केल्यानंतर आणि रबाडा १० धावा करून बाद झाले, मात्र या दोघांनी मिलरला वेळ दिला आणि तो १०१ धावा करून बाद झाला. एक धाव घेतल्यानंतर शम्सी नाबाद राहिला आणि दक्षिण आफ्रिकेचा संघ ४९.४ षटकांत सर्व गडी गमावून २१२ धावांवर गडगडला. ऑस्ट्रेलियाकडून मिचेल स्टार्क आणि पॅट कमिन्सने प्रत्येकी तीन बळी घेतले. जोश हेझलवूड आणि ट्रॅव्हिस हेडने प्रत्येकी दोन गडी बाद केले.

२१३ धावांचा पाठलाग करताना ऑस्ट्रेलियाची सुरुवात चांगली झाली. डेव्हिड वॉर्नर आणि ट्रॅव्हिस हेड यांनी पहिल्या विकेटसाठी सहा षटकांत ६० धावा जोडल्या. यानंतर २९ धावांवर वॉर्नर मार्करामचा बळी ठरला. रबाडाने मार्शला खातेही उघडू दिले नाही, पण हेडसह स्मिथने डावाची धुरा सांभाळली. दोघांनी ४५ धावा जोडल्या. हेडला बाद करून महाराजने आफ्रिकेला सामन्यात परत आणले. हेडने ४८ चेंडूत ६२ धावा केल्या. यानंतर आफ्रिकन फिरकी गोलंदाजांनी आपली पकड घट्ट केली आणि धावा काढणे कठीण झाले.

शम्सीने १८ धावांच्या स्कोअरवर लॅबुशेनला विकेट्ससमोर पायचीत केले आणि नंतर एका धावेवर मॅक्सवेलला त्रिफळाचीत केले. इंग्लिस आणि स्मिथने ३७ धावांची भागीदारी करून ऑस्ट्रेलियाला लक्ष्याच्या जवळ नेले. ३० धावांच्या स्कोअरवर कोएत्झीने स्मिथला बाद केले. इंग्लिश 28 धावा करून बाद झाला आणि आफ्रिकन संघ सामन्यात कायम राहिला. मात्र, मिचेल स्टार्क आणि पॅट कमिन्स यांनी आठव्या विकेटसाठी २२ धावांची नाबाद भागीदारी करून संघाला विजय मिळवून दिला. स्टार्क १६ धावांवर तर कमिन्स १४ धावांवर नाबाद राहिला. आफ्रिकेकडून गेराल्ड कोएत्झी आणि तबरेझ शम्सी यांनी प्रत्येकी दोन गडी बाद केले. कागिसो रबाडा, एडन मार्कराम आणि केशव महाराज यांनी प्रत्येकी एक विकेट घेतली.

*संवाद मीडिया*

🏮🪔🎊🏮🎉🏮🪔🏮
*खास दिवाळीनिमित्त आकर्षक ऑफर्स*🎁🧧

*☘️ पर्यावरणपूरक दिवाळी साजरी करा पर्यावरणपूरक ह्युंदाई CNG कार्स सह..!!*

*ह्युंदाई CNG कार्स आता हजर स्टॉक मध्ये उपलब्ध*

● निऑस, ऑरा सीएनजीची खरेदी म्हणजे प्रदूषणावर विजयाची सुरुवात..🚗

*🚙 सर्व ह्युंदाई कार्स आता 6 एयरबॅग्स सह. .☘️*🚙
https://sanwadmedia.com/114762/
💁‍♂️त्वरित एक्स्चेंज
💁‍♂️लोन सुविधा उपलब्ध

*🚗MAI HYUNDAI🚗*
अविरत सेवेची 25 वर्षे

📍उद्यमनगर, मुंबई – गोवा हायवे, कुडाळ.
*📲 फो. +917410006037*

📍वृक्षवल्ली नर्सरी कंपाऊंड, वागदे, कणकवली.
*📲फो. +917410006037*

*जाहिरात लिंक*👇
https://sanwadmedia.com/114762/
https://sanwadmedia.com/114309/
———————————————-
*वेबसाईट*
www.sanwadmedia.com
==========================
*फेसबुक पेज*
https://www.facebook.com/Snvadmedia
========================
*चॅनेल*
https://www.youtube.com/c/sanvadmedia
=========================
*📱जाहिरात व बातम्यासाठी संपर्क*
*9421234663*