*जागतिक साहित्य कला व्यक्तित्व विकास मंचाच्या सन्माननीय सदस्य कवयित्री वंदना पाटकरी लिखित अप्रतिम काव्यरचना*
*बापूजी*
✍️✍️✍️✍️✍️
देशासाठी तुम्ही!दिला एक मंत्र !!
शिकविले तंत्र! अहिंसेचे!!
……..!!१!!
विदेशी मालाची! केली होती होळी!!
स्वदेशीची मोळी! बंधुनिया!!
…….!!२!!
शस्र हाती नसे! इंग्रजा विरुद्ध !!
अहिंसेचे युद्ध!लढविले!!
……..!!३!!
दांडी यात्रा पायी!सत्येचा आग्रह!!
मिठ सत्याग्रह!चळवळ!!
………!!४!!
अहिंसेचा असा! मार्ग निवडला !!
स्वदेश मिळाला! आनंदाचा!!
…….!!५!!
सर्वधर्म भाव! शांतता मार्गाने!!
महान कार्याने !स्वातंत्र्य हे!!
…….!!६!!
रचला अनोखा! एक इतिहास!!
सत्याची ती कास! धरुनिया!!
…….!!७!!
करेंगे मरेंगे ! मार्ग शांततेचा !!
हा सहिष्णूतेचा!बापूजींचा
……..!!८!!
रघुपती असे !आवडे भजन!!
करितो नमन!बापूजींना!!
……!!९!!
राष्ट्रपिता एक!आदर्श महान!!
गांधीजींना मान ! वंदू म्हणे !!
…….!!१०!!
✍️✍️✍️✍️✍️✍️
*श्रीमती वंदना पाटकरी*
शिक्षिका
*डॉ. विजयराव व्ही. रंधे इंग्लिश मेडीयम स्कूल*
*शिरपूर जि धुळे*
