सावंतवाडी

आपल्या देशाला स्वातंत्र्य मिळवून देण्यासाठी प्रयत्न करणाऱ्या अनेक क्रांतिकारकांप्रमाणे लोकमान्य टिळकांनी देखील स्वराज्य प्राप्तीसाठी अनेक प्रयत्न केले. व अशा थोर पुरुषांचे महत्त्व सर्व विद्यार्थ्यांना कळावे याकरिता स्टेपिंग स्टोन ग्लोबल स्कूलमध्ये लोकमान्य टिळकांची जयंती मोठ्या उत्साहात साजरी केली गेली. या कार्यक्रमाच्या सुरुवातीला शाळेचे संचालक श्री. रुजुल पाटणकर व शाळेच्या मुख्याध्यापिका सौ. दिशा कामत यांना पुष्प देऊन त्यांचे स्वागत करण्यात आले. शाळेच्या मुख्याध्यापिकांनी दीपप्रजवलनाने व लोकमान्य टिळकांच्या प्रतिमेला पुष्पहार घालून कार्यक्रमाला सुरुवात केली. शालेय समन्वयक सौ. सुषमा पालव यांनी कार्यक्रमाच्या सुरुवातीला लोकमान्य टिळकांविषयी माहिती दिली. तर कार्यक्रमाचे सूत्रसंचालन सौ. ग्रीष्मा सावंत यांनी केले. इयत्ता ४ थी व ३ री मधील विद्यार्थ्यांनी स्वअभिनयाद्वारे व नाट्यस्वरुपात लोकमान्य टिळकांविषयी माहिती सादर केली व टिळकांचे विचार विद्यार्थ्यांपर्यंत पोहोचवण्याचा प्रयत्न केला. शाळेचे संचालक श्री. रुजुल पाटणकर व शाळेच्या मुख्याध्यापिका सौ. दिशा कामत यांनी सर्व विद्यार्थ्यांचे कौतुक केले. तसेच कार्यक्रमाच्या शेवटी शालेय सह. शिक्षिका सौ. चैताली वेर्लेकर यांनी आभाप्रदर्शन व्यक्त केले व कार्यक्रमाची सांगता करण्यात आली अशाप्रकारे, स्टेपिंग स्टोन ग्लोबल स्कूलमध्ये लोकमान्य टिळकांची जयंती मोठ्या उत्साहात साजरी करण्यात आली.