मुंबई (गुरुदत्त वाकदेकर) :
बेंचमार्क निर्देशांक ७ जुलै रोजी निफ्टी १९,३००च्या आसपास घसरले आणि ऑटो आणि पीएसयु बँका वगळता सर्व क्षेत्रांमध्ये विक्री झाली. निफ्टीने ८ सत्रांची विजयी मालिका मोडली. या घसरणीने गुरुवारच्या तेजीच्या वाटचालीला वेसण घातली आहे पण पुढे निफ्टीमध्ये वाढ होण्याची शक्यता आहे.
बाजार बंद होताना, सेन्सेक्स ५०५.१९ अंकांनी किंवा ०.७७% घसरून ६५,२८०.४५ वर आणि निफ्टी १६५.५० अंकांनी किंवा ०.८५% घसरून १९,३३१.८० वर होता. सुमारे १,४५७ शेअर्स वाढले तर १,९१२ शेअर्स घसरले आणि ११८ शेअर्स अपरिवर्तित राहिले.
अदानी पोर्ट्स, पॉवर ग्रिड कॉर्पोरेशन, अपोलो हॉस्पिटल्स, इंडसइंड बँक आणि ब्रिटानिया इंडस्ट्रीज हे निफ्टीमध्ये सर्वात जास्त तोट्यात होते, तर टाटा मोटर्स, टायटन कंपनी, एम अँड एम, एसबीआय आणि टीसीएस यांचा नफ्यात समावेश होता.
ऑटो आणि पीएसयू बँक वगळता इतर सर्व क्षेत्रीय निर्देशांक एफएमसीजी, पॉवर, रियल्टी प्रत्येकी १ टक्क्यांनी घसरले. बीएसई मिडकॅप निर्देशांक ०.८ टक्के आणि स्मॉलकॅप निर्देशांक ०.२८ टक्क्यांनी घसरला.
भारतीय रुपया २३ पैशांनी घसरून ८२.७४ प्रति डॉलर वर बंद झाला.
