*जागतिक साहित्य कला व्यक्तित्व विकास मंच तथा आजगाव साहित्य प्रेरणा कट्टाचे सन्मा.सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*
*हाच का धर्म*
आधी पूर्वज जन्मले माझे ते
भेदाभेदरहित ओळख त्यांना |
अज्ञानाने सुसंस्कारा ये बाधा
विज्ञानाने मी उजळीन त्यांना ||१||
जन्मापासून अखेरपर्यंत
जीवन जगायचे संन्मानाने |
माझ्यासोबत अखेरपर्यंत
अन् माझ्यानंतरही संन्मानाने ||२||
मी असेन वा नसेन ह्या देही
अनंतरुपी तुम्हासोबत मी |
कुणी मोठं केलं मला ह्या देही
तुमच्यापायी तुम्हासोबत मी ||३||
विवेक नेती मला त्यांच्यापाठी
विवेकांना दिशा देतो त्यासाठी |
मी रेशीमगाठी बांधून घट्ट
माणसातल्या थोर देवासाठी ||४||
जात्यांतर धर्मांतर कोठले
मानवी देही भेद ना उरले |
जीवनारोग्य कसे जुळवले
काय अवयवा भेद नुरले ||५||
रक्तदान ते तनभागदान
जीवरक्षी ते कुणा दुःखितांचे |
जात धर्मात हो आधार दान
दुःख अपार कुणा दुःखितांचे ||६||
ज्या कुळी जन्मलो या मानवात
मानवी हिता सुखे गुंतवावे |
लाज वाटून का सोडणे त्यांस
हाच का धर्म त्यास अंतरावे ||७||
कवी :- श्री सोमा चंद्रकला चंद्रकांत गावडे.
फणसखोल, आसोली, ता. : वेंगुर्ला,
जि. :- सिंधुदुर्ग.
