*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ कवयित्री पल्लवी भट्टगावकर लिखित अप्रतिम काव्यरचना*

*उठा राघवा*

उठा उठा राघवा रघुवरा अरुणोदय झाला

पूर्व दिशेला रविराजाने प्रकाश शिंपडला ||ध्रु||

सुस्वरे गाती सारे पक्षीगण जागे होऊनी

गोठ्यामधुनी गाय वासरे घेती हंबरूनी

शिवारातील पिके डोलती मंद वारा आला

पूर्व दिशेला रविराजाने प्रकाश शिंपडला ||१||

उठला भरत उठे लक्ष्मण उठ रामा आता

तरुवेलीही उठल्या बघ सांगे कौसल्या माता

आम्रतरुवर सुरेल स्वर हा कोकिल कंठी आला

पूर्व दिशेला रविराजाने प्रकाश शिंपडला ||२||

मंदिरातूनी घंटा नाद दूरवरी ऐकू येई

शंखांचाही मंगल ध्वनी कोणी ओवी गाई

पूजेला आणू कर्पूर धूप अन् मोगऱ्याच्या माळा

पूर्व दिशेला रविराजाने प्रकाश शिंपडला ||३||

*सौ. प्रांजली भट्टगावकर.*

*मीरारोड, मुंबई.*