*जागतिक साहित्य कला व्यक्तित्व विकास मंच तथा कोमसाप मालवणच्या आजीव सदस्या लेखिका कवयित्री सौ आदिती मसुरकर लिखित अप्रतिम लावणी*

*आला सण होळी*

*(गीत प्रकार लावणी )*

फाल्गुनाच्या पौर्णिमेला आला वर्षाचा सण होळी

तुमच्यासाठी केली गोड गोड पुरणाची पोळी ॥धृ ॥

हिरवा भरजरी शालू नेसुनी उभी राहिले दारी

रंगांचा खेळ खेळण्या ऐटीत आली स्वारी

नजरेच्या बंदुकीची घुसली काळजात गोळी

तुमच्यासाठी केली गोड गोड पुरणाची पोळी ॥१ ॥

पिरमाच्या रंगाची सख्या मारुया पिचकारी

दंग होऊनी चिंब भिजुया इश्काच्या दरबारी

जीव जडला तुमच्यावरती वेडावली भोळी

तुमच्यासाठी केली गोड गोड पुरणाची पोळी॥ २ ॥

पिरतीचे नाजूक बीज हृदयात कसे रुजले

गाल फुगवूनी मन माझे तुमच्यावर रुसले

राग लोभ मत्सराची पेटवुया आज होळी

तुमच्यासाठी केली गोड गोड पुरणाची पोळी ॥ ३ ॥

*✒️© सौ आदिती धोंडी मसुरकर*

*कुडाळ सिंधुदुर्ग*