दोडामार्गात शिवसेना जिल्हाप्रमुख संजू परब यांच्या वाढदिवसानिमित्त विविध सामाजिक उपक्रमांचे आयोजन

दोडामार्ग (प्रतिनिधी) –

शिवसेना जिल्हाप्रमुख संजू परब यांच्या वाढदिवसानिमित्त उद्या सोमवार, दिनांक 18 ऑगस्ट रोजी शिवसेना दोडामार्ग संपर्क कार्यालयाच्या माध्यमातून विविध सामाजिक उपक्रमांचे आयोजन करण्यात आले आहे.

कार्यक्रमाची सुरुवात सकाळी 10:30 वाजता शिवसेना संपर्क कार्यालय, दोडामार्ग येथे केक कापून वाढदिवस साजरा करून होणार आहे. यानंतर सकाळी 11 वाजता ग्रामीण रुग्णालय दोडामार्ग येथे रुग्णांना फळ वाटप व हॉस्पिटलसाठी बेडशीट वाटप करण्यात येणार आहे.

दुपारी 12 वाजता न्यू इंग्लिश स्कूल, साटेली-भेडशी येथे वृक्षारोपण व साटेली प्राथमिक आरोग्य केंद्रात फळ वाटप करण्यात येणार आहे. त्यानंतर 12:30 वाजता तेरवण येथील मेंढे नागनाथ मंदिरात शिवसेना पक्षातर्फे लघुरुद्र अभिषेक करण्यात येणार आहे.

या सर्व कार्यक्रमांना शिवसेना दोडामार्ग तालुका पदाधिकारी (बेसिक, युवक, महिला आघाडी), सरपंच, उपसरपंच, सदस्य, शिवसैनिक, ग्रामस्थ व पत्रकार बांधवांनी उपस्थित राहावे, असे आवाहन तालुकाप्रमुख गणेशप्रसाद गवस यांनी केले आहे.