*मिरग गेलो सुको* ….
ढग नाय आभाळात
पावसार इलो वाको
थेंब नाय पावसाचो
मिरग गेलो सुको…
सदी असा होयत नाय
वायच तरी पडता
न्हिंबार नि पावसात
मिरग म्होवारता…
काय नाय केलंय…
राखान बिकान दिलंय
पावस येवदे म्हनान
गाऱ्हानाय घातलंय…
वाडो झालो शिवान
कूड झाले बांधान
पावस येयत म्हनान
कोंबो झालो सांगान…
भराड केला मोकळा
म्हटला पावस येतलो
पेरलंलो तरवो
जीव बरो धरतलो…
काय काय येवजलंय
सगळ्यार बसलो खुटो
आवशीक खाव व्हरान
मिरग गेलो सुको…!
*संग्रह#अजित शुभांजीत श्रृष्टी*
