कशेळी बांध येथे पोलिसांच्या गाडीला अपघात

सिंधुदुर्ग

कशेळी बांध येथे पोलीस व्हॅन पलटी झाल्याची घटना घडली आहे. या व्हॅन मधून बंदोबस्त साठी पोलीस जात असताना हा अपघात झाल्याचे बोलले जात होते. या अपघातात काही पोलीस कर्मचारी जखमी झाले आहेत. त्यांना जिल्हा रुग्णालयात दाखल करण्यात आल्याचे समजते.

राजापूर बारसू येथे होणाऱ्या रिफायनरीच्या माती सर्वेक्षण बंदोबस्तसाठी रत्नागिरीतून जाणाऱ्या पोलिसांच्या वाहनाला आडीवरे नजीक कशेळी बांध येथे सकाळी अपघात झाला.

जखमी पोलिसांनाप्रथम पावस आरोग्य केंद्रात आणि त्यानंतर जिल्हा शासकीय रुग्णालयात उपचारासाठी दाखल करण्यात आले आहे.
या अपघाताची माहिती मिळताच जिल्हा पोलीस अधीक्षक धनंजय कुलकर्णी, अपर पोलीस अधीक्षक जयश्री गायकवाड आणि अधिकारी घटनास्थळी पोहोचले होते