२३ ते २५ ला सावंतवाडीत आयोजन; विविध स्पर्धांबरोबर खवय्यांना पर्वणी…

सावंतवाडी

इनरव्हील परिवाराच्या माध्यमातून आयोजित महोत्सवाच्या लोगोचा शुभारंभ आज पदाधिकाऱ्यांच्या उपस्थितीत करण्यात आला. यावेळी जास्तीत-जास्त लोकांनी या महोत्सवात सहभागी व्हावे, असे आवाहन इनरव्हीलच्या माध्यमातून करण्यात आले. इनरव्हीलच्या माध्यमातून आयोजित करण्यात येणारा हा महोत्सव २३ ते २५ या कालावधीत सावंतवाडी येथील उद्यानाच्या परिसरात घेण्यात येणार आहे. यात पाककला स्पर्धा, रेकॉर्ड स्पर्धा, ग्रुप डान्स स्पर्धा अशा विविध कार्यक्रमांचे आयोजन करण्यात आले आहे. त्याचबरोबर खवय्यांना वेगवेगळ्या पदार्थांची चव घेता यावी यासाठी स्टॉलची व्यवस्था करण्यात आली आहे. या पार्श्वभूमीवर महोत्सवाची जोरदार नियोजन सुरू आहे. दरम्यान या महोत्सवाचा लोगो आज प्रकाशित करण्यात आला.
यावेळी देवता हावळ, पूजा पोकळे, रिया रेडीज, शकुन म्हापसेकर, भारती देशमुख, दर्शना रासम, सुमेधा धुरी, साधना रेगे, मीना जोशी, श्रेया नाईक आदी पदाधिकारी उपस्थित होते.