मालवण :
उद्या २१ रोजी कणकवलीत शिवसेनेच्या मुलुख मैदान तोफ सुषमा अंधारे यांची जाहीर सभा होत आहे. या सभेस मालवण तालुक्यातून मोठ्या संख्येने शिवसैनिक कणकवलीला जाणार आहेत अशी माहिती ठाकरे गटाचे तालुकाप्रमुख हरी खोबरेकर यांनी दिली. शिवसेनेच्या उपनेते सुषमा अंधारे यांची महाप्रबोधन यात्रा उद्या सिंधुदुर्गात येत आहे. यामुळे सत्ताधाऱ्यांमध्ये चांगली धडकी भरली आहे. अंधारे यांची कणकवलीत तोफ धडाडणार आहे. या सभेसाठी मालवण तालुक्यातील जास्तीत जास्त शिवसैनिकांनी उपस्थित राहावे, असे आवाहन हरी खोबरेकर यांनी केले आहे.
