*कुडाळ पोलीस स्टेशनपासून हाकेच्या अंतरावर….नवनिर्वाचित जिल्हा पोलीस अधीक्षक अनभिज्ञ*

कुडाळ शहरात आज सुरू असलेल्या एमआयडीसी परिसरातील एका देवाच्या जत्रोत्सवात जुगाराच्या मैफिली सजल्या असून कुडाळ पोलीस स्टेशन पासून हाकेच्या अंतरावर असलेल्या जत्रोत्सवात जुगाराचे पाल अंथरल्याने सर्वसामान्य लोकांमध्ये आश्चर्य व्यक्त केले जात आहे.

सिंधुदुर्ग जिल्ह्यात नवीन पोलीस अधीक्षकांनी कारभार स्वीकारून काहीच दिवस झाले असतानाच जिल्ह्यात सुरू झालेल्या जत्रोत्सव हंगामातील पहिल्याच जत्रोत्सवात जुगार सुरू झाल्याने पोलिसांच्या कार्यक्षमतेवर प्रश्नचिन्ह उपस्थित होते आहे. सिंधुदुर्ग जिल्ह्यातील हा पहिलाच जत्रोत्सव असून सुरुवातच जुगाराच्या मैफिलीने झाल्यामुळे “आगे आगे देखो होता हैं क्या?” अशी परिस्थिती तर निर्माण होणार नाही ना? असे प्रश्न उपस्थित होत आहेत. जिल्ह्यातील पहिल्या जत्रोत्सवात जुगार सुरू झाल्याने जिल्ह्याच्या नव्या पोलीस अधीक्षकांच्या भूमिकेकडे लोकांचे लक्ष लागले आहे.