सावंतवाडी :
गोवा-पार्से येथे झालेल्या अपघातात सावंतवाडी-माजगाव येथील ओडीसी इलेक्ट्रिक बाईक शोरूमचे मालक तथा माजी सैनिक विजय रमेश गावकर (४५) हे जागीच ठार झाले. भरधाव वेगाने येणा-या कंटेनरने त्यांच्या दुचाकीला जोरदार धडक दिली. यात ते मागच्या चाकाखाली मिळाल्याने ही दुर्घटना घडली. सुदैवाने अपघाताच्या काही मिनिटापूर्वी त्यांनी आपल्या दोन मुलांसह पत्नीला अर्ध्या वाटेत उतरल्यामुळे मोठा अनर्थ टळला. ही घटना आज अडीच वाजण्याच्या सुमारास मुंबई-गोवा महामार्गावर घडली. श्री. गावकर हे आपल्या काही कामानिमित्त सातोसे येथे गेले होते. तेथुन आपल्या इलेक्ट्रिक बाईकने सावंतवाडीत येत असताना हा अपघात घडला.
