सावंतवाडी
सावंतवाडी येथील ठाकरे गटाच्या शिवसेना सावंतवाडी तालुका संघटक पदी मायकल डिसोझा यांची नियुक्ती करण्यात आली आहे. याबाबतचे पत्र जिल्हाप्रमुख संजय पडते यांनी आज दिले आहे. ते गेले अनेक दिवस ठाकरे गटाच्या शिवसेना उद्धव बाळासाहेब ठाकरे या गटात कार्यरत आहेत. त्यांनी गेल्या अनेक वर्षात पक्ष संघटना वाढवण्यासाठी मोठे काम केले आहे.ते माजी कोलगाव जिल्हा परिषद मतदार संघाचे सदस्य होते. त्यांचा लोकसंपर्क दांडगा आहे. त्यांच्याकडे युवकांची मोठी फळी आहे. त्यांचे वडील कै. फ्रान्सिस डिसोजा यांनी यापूर्वी कोलगावचे सरपंच तथा कॅथलिक पतसंस्थेचे व्हाईस चेअरमन म्हणून कार्यरत होते केले असल्यामुळे त्यांचा लोकसंपर्क दांडगा होता. आगामी काळात होणाऱ्या निवडणुका लक्षात घेता त्यांची ही निवड महत्त्वाची मानली जात आहे.
