मालवण

मनसे मालवण शहराच्या वतीने किल्ला बनविणे व देखावा स्पर्धा संपन्न झाली. यामध्ये किल्ला बनविणे स्पर्धेत ओम आंबेरकर (पंचायत समिती रोड) तर देखावा स्पर्धेत एकता मित्रमंडळ (बाजारपेठ मालवण) यांनी प्रथम क्रमांक मिळविला.

या स्पर्धेचे आयोजन मनसे मालवण शहराध्यक्ष विशाल ओटवणेकर यांच्या माध्यमातून करण्यात आले होते. यामध्ये किल्ला बनविणे स्पर्धेमध्ये प्रथम – ओम आंबेरकर (पंचायत समिती रोड), द्वितीय – स्वराज संदिप परब (वराड मधली वाडी, मालवण), तृतीय – वेदांत नाईक, चिन्मय पाटिल (बाजारपेठ), तसेच श्रेया पाटकर, जुई गरगटे, माघी मांगले, देविका गरगटे, अभिनंदन गरगटे, यथार्थ कडू, नित्या, वेदा, तनिष यांनीही यश मिळवले. तर चलचित्र देखावा स्पर्धेत एकता मित्रमंडळ मालवण बाजारपेठ यांच्या श्रीकृष्णाची गोवर्धन लीला या देखाव्याने प्रथम क्रमांक मिळविला. तर उत्तेजनार्थ वेदिक सुभाष कुमठेकर, तेजश्री दिपक जुवेकर (इंदिरा कॉम्प्लेक्स मालवण) व दुर्वेश शशांक खोत यांनी साकारलेल्या देखाव्यास देण्यात आला. विजेत्यांना पारितोषिके देऊन गौरविण्यात आले. त्यावेळी मनसे मालवण शहरप्रमुख विशाल ओटवणेकर, तालुका सचिव विल्सन गिरकर आदी उपस्थित होते.