ओरोस
मेट्रोपॉलिटन इन्स्टिट्यूट ऑफ टेक्नॉलॉजी अँड मॅनेजमेंट (एमआयटीएम ) कॉलेज ओरोस येथे सोमवारी शारदोत्सव मोठ्या उत्साहात साजरा करण्यात आला.सरस्वती देवी ही ज्ञान, संगीत, कला, विद्या आणि शिक्षणाची अधिपती देवता आहे. यानिमित्ताने विविध धार्मिक आणि सांस्कृतिक कार्यक्रम संपन्न झाले.
महाविद्यालयाचे प्राचार्य प्रा. सूर्यकांत नवले यांच्या हस्ते सरस्वती देवीचे विधिवत पूजन करण्यात आले. प्रा. संजय कुरसे आणि विलास पालव यांनी पूजाविधी सांगितली. यावेळी सरस्वती मातेचे आवाहन आणि स्थापना करण्यात आली. यानंतर महाआरती , महाप्रसाद आणि भजनाचा कार्यक्रम साजरा झाला. यामध्ये विद्यार्थी आणि महाविद्यालयाच्या कर्मचाऱ्यांनी सहभाग घेतला. तर यावेळी झालेल्या गरबा मध्ये देखील विद्यार्थी आणि शिक्षक कर्मचारी वृंद सहभागी झाले होते.या कार्यक्रमात सर्व विभागाचे विद्यार्थी एकत्रित आले आणि कॉलेजमध्ये एकोप्याने संपूर्ण कार्यक्रमाचे आयोजन केले या कार्यक्रमांस ऍडमीन राकेश पाल, डीन पूनम कदम, विशाल कुशे, तुषार मालपेकर, बसवराज मगदूम आदी विभाग प्रमुखांसह अन्य शिक्षक आणि ईतर कर्मचारी उपस्थित होते. शिक्षक आणि विद्यार्थी यांनी एकत्र येऊन या कार्यक्रमाचा आनंद लुटला.
