*जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री उज्वला सहस्त्रबुद्धे लिखित अप्रतिम काव्यरचना*
*बाप्पा*
बाप्पा तुझा निरोप घेताना
नयनी अश्रू येतात !
‘पुनरागमनायचं’ म्हणताना ,
मनी तरंग उठतात!
तुझे येणे आणि जाणे
वाजत गाजतच होते!
आनंद दुःख त्याचे ,
समुदायातच जाणवते!
अन्य देवी देवतांचे ,
असे वैयक्तिक समाराधन !
हाच एक गणपती बाप्पा,
ज्याचे सारे समाजमन !
तूच बुद्धीदाता, तूच विघ्नहर्ता,
कार्यारंभी तूच असतोस !
सभोवताली प्रत्येक क्षणी ,
आपुले स्थान राखून असतोस!
‘बाप्पा मोरया’ गजरात ,
तुझी पार्थिव मूर्ती विरघळते!
अन् जिवाच्या नश्वरतेची ,
आम्हाला तत्क्षणी जाणीव देते!
उज्वला सहस्रबुद्धे
