देवगड
ट्रक व आयशर टेम्पोची समोरासमोर धडक होऊन झालेल्या अपघातात टेम्पोत बसलेल्या एका व्यक्तीचा जागीच मृत्यू झाला आहे. चंद्रकांत विठ्ठल गुरव (रा. सौंदाळे) असे त्यांचे नाव आहे. तर अन्य दोघांना किरकोळ दुखापत झाली आहे. हा अपघात आज सकाळी साडेआठच्या सुमारास तळेरे-फणसगाव-विजयदुर्ग महामार्गावरती पाडगाव दत्त मंदिर नजीक घडला. याबाबत देवगड पोलीस ठाण्यात अपघाताची नोंद करण्यात आली आहे.
याबाबत अधिक माहिती अशी की, तळेरे वरुन येणा-या ट्रकने वाघोटण वरुन तळेरेकडे जाणारा बोलेरो टेम्पोला समोरून धडक दिल्याने बोलेरो मध्ये मागे बसलेले चंद्रकांत विठठल गुरव यांचा जागीच मृत्यू झाला. यावेळी पोलीस उपनिरिक्षक भरत फार्ले, अवधुत गुणीजन, संतोष गणुले, दिपेश तांबे यांनी घटनास्थळी भेट देवून मयत विठठल गुरव यांना शवविच्छेदनासाठी देवगड येथील ग्रामीण रुग्णालयामध्ये आणण्यात आले. नंतर मृतदेह नातेवाईकांच्या ताब्यात देण्यात आला.
