सिंधुदुर्गनगरी : 

कोरोना प्रतिबंधात्मक जनजागृतीसाठी ”माझे कुटुंब माझी जबाबदारी” या उपक्रमांतर्गत विविध स्पर्धाचे आयोजन करण्यात आले आहे. या स्पर्धेमध्ये सहभागी होण्यासाठी ऑनलाईन सादरीकरण करण्यासाठी दि. 10 ऑक्टोबर 2020 पर्यंत कालावधी  देण्यात आला होता.  तथापि अल्पप्रतिसादामुळे या स्पर्धेचे ऑनलाईन सादरीकरणासाठी बुधवार दि. 14 ऑक्टोबर 2020 पर्यंत मुदतवाढ देण्यात आली आहे, अशी माहिती जिल्हा परिषदेचे प्राथमिक व माध्यमिक शिक्षणाधिकारी यांनी दिली.

             तसेच सदर स्पर्धेचे सादरीकरण ऑनलाईन पद्धतीने mkmjsindhudurg@gmail.com या ई-मेल आयडीवर किंवा  zpsindhudurg.maharashtra.gov.in या संकेतस्थळावर अपलोड करण्यात यावे, असे आवाहन जि.प. प्राथमिक व माध्यमिक शिक्षण विभागाकडून करण्यात आले आहे.