*जागतिक साहित्य कला व्यक्तित्व विकास मंच सदस्या लेखिका कवयित्री शीला पाटील लिखित अप्रतिम काव्यरचना*
*रक्षाबंधन*🌹
रक्षाबंधनाचा सण
वाट भावाची पाहते
सजली दारी रांगोळी
चित्र माहेराचे रेखाटते
सण रक्षाबंधनाचा
दिवा लावते दारात
माझ्या भावाची आठव
साठवते हृदयात
भावा बहीणीची कशी
जगावेगळी ती माया
असतो सदा पाठीशी
माझा गुणी भाऊराया
भावासाठी बहिणीचं
हृदय भरलं असतं
माहेरच्या फांदीवर
नुसतं डोलतं बसतं
येईल कधी भाऊ
बसेल कधी पाटी
लक्ष्य दिव्यांच्या ज्योती
आज उजळल्या ताटी
माझा शेतकरी भाऊ
त्याकडे काय मागवा
दीड खणाची गं चोळी
एका रातीचा विसावा
गुणी माझा भाऊ
जीवापाड माझी माया
दीर्घायुष्य लागु दे
प्रार्थना हिचं देवराया
*शीला पाटील. चांदवड.*
