मालवण (मसुरे) :
मालवण मसुरे येथील देऊळवाडा दत्तवाडीत श्री समर्थ बागवे महाराज यांच्या मठामध्ये गुरुपौर्णिमा उत्सव भाविक भक्तगणांचा उपस्थितीत मोठया उत्साहात साजरा करण्यात आला.
आज मसुरे दत्तवाडी येथिल श्री समर्थ बागवे महाराज मठामध्ये गुरुपौर्णिमे निमित्त विविध धार्मिक कार्यक्रमांचे आयोजन करण्यात आले होते. सकाळी ९ वा. समर्थांची ब्राम्हणांकरवी विधिवत पूजा अर्चा, दुधाभिषेक, जलाभिषेक, दत्तगुरुंची आरती तदनंतर उपस्थित भाविकांनी तीर्थप्रसादाचा लाभ घेतला.
रात्रौ श्रींची आरती आणि स्थानिकांचे सामूहिक भजन असे कार्यक्रम पार पडले. या कार्यक्रमांचा लाभ दशक्रोशीतील तसेच देवगड व मालवण तालुक्यातील भाविक भक्तांनी मोठ्या संख्येनं उपस्थीत राहून घेतला.
