अमरावती

महाराष्ट्रातील मुले बहुसंख्येने प्रशासनात जावीत यासाठी केंद्रीय लोकसेवा आयोगाच्या आयएएस या परीक्षेचे विनामूल्य कोचिंग उपलब्ध करून देणाऱ्या दिल्लीच्या मालुका आयएएस अकादमीचे प्रशिक्षक श्री प्रशांत भाग्यवंत हे अमरावती मधून आयएएस करणाऱ्या विद्यार्थ्यांसाठी स्पर्धा परीक्षा कार्यशाळा घेण्यासाठी अमरावतीला आले आहेत.आज त्यांनी आयएएस करणाऱ्या विद्यार्थ्यांची कार्यशाळा घेतली .या कार्यशाळेचे आयोजन डॉ.पंजाबराव देशमुख अकादमी व मिशन आयएएस फाउंडेशन या संस्थांच्या वतीने करण्यात आले होते .दिल्लीची मालुका आय ए एस ही गरीब होतकरू विद्यार्थ्यांना मिशन आयएएस अमरावती मार्फत स्पर्धा परीक्षेचे संपूर्ण कोचिंग विनामूल्य उपलब्ध करून देते. या विनामूल्य कोचिंगचा लाभ घेऊ इच्छिणाऱ्या विद्यार्थ्यांनी आपली नावे मिशन आयएएसचे संचालक प्रा. डॉ.नरेशचंद्र काठोळे यांच्या 9890967003 या क्रमांकावर नोंदवावीत अशी विनंती एका प्रसिद्धी पत्रकातून करण्यात आली आहे .
या दिल्लीच्या मालुका आयएएस अकादमीचे संचालक श्री लक्ष्मण मालुका यांनी या कामी पुढाकार घेतला असून मिशन आयएएसच्या कामाने ते प्रभावित झाले आहेत. त्यामुळे मिशन आयएएसने शिफारस केलेल्या विद्यार्थ्यांना सर्व प्रकारचे कोचिंग विनामूल्य उपलब्ध करून देण्यात येते. ज्या विद्यार्थ्यांना या मार्गदर्शनाचा लाभ घ्यायचा आहे त्यांच्यासाठी दिल्लीच्या मालुका आयएएसचे श्री प्रशांत भाग्यवंत हे अमरावतीला आले असून अमरावती मधील आयएएस करणाऱ्या विद्यार्थ्यांसाठी ते उपलब्ध राहतील .सहसा मिशन आयएएसचे प्रशिक्षण हे फार कमी अकादमीतर्फे विनामूल्य उपलब्ध करून देते. परंतु दिल्लीची मालुका आयएएस अकादमी ही शिख समुदायाची अकादमी असून सामाजिक शैक्षणिक कार्यामध्ये या अकादमीचा नावलौकिक चांगला आहे. शिवाय या अकादमीचा पूर्व परीक्षेचा निकाल ही शंभर टक्के लागलेला आहे. यावर्षीच्या निकालात या अकादमीचे विद्यार्थी मोठ्या संख्येने उत्तीर्ण झालेले आहेत. विद्यार्थ्यांनी या मार्गदर्शनाचा लाभ घ्यावा असे आवाहन मिशन आयएएसचे संचालक प्रा. डॉ. नरेशचंद्र काठोळे यांनी एका परिपत्रकान्वये केले आहे.
==============
प्रकाशनार्थ
*प्रा. डॉ.नरेशचंद्र काठोळे संचालक डॉ. पंजाबराव देशमुख अकादमी. अमरावती*