जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री सौ जयश्री जिवाजी कुलकर्णी यांची अप्रतिम काव्यरचना

मनातले मालिन्य धुवाया कधी जरासे घर सोडावे
सृष्टीच्या निर्लेप करांनी आयुष्याला सजवून घ्यावे

ईश्वरनिर्मित आहे सृष्टी
अणूरेणू वर दिसते तृप्ती
मंगल पावन प्रसन्नतेला मनावरी या माखून घ्यावे
कधी जरा से घर सोडावे

उणेच नसते जिथे कशाचे
मळभ संपते तिथे मनाचे
मुक्त मोकळे झाल्यावरती चांदणं गाणे ओठा द्यावे
कधीच जरासे घर सोडावे

शीळ घुमवितो अल्लड वारा
नितळ देखणा नदी किनारा
ओघळलेल्या सौंदर्याला तना मनाने पिऊन घ्यावे
कधी जरा से घर सोडावे

आकाशाच्या घुमटाखाली
या धरणीच्या रंग महाली
निराकार त्या परमात्म्याशी संवादाविण बोलून घ्यावे
कधी जरा से घर सोडावे

जयश्री जिवाजी कुलकर्णी
नाशिक फोन नंबर 98 90 25 89 77