कणकवली

विश्वभुषण भारतरत्न डॉ. बाबासाहेब आंबेडकर यांचा 131वा जयंती उत्सव सिद्धार्थ गृहनिर्माण सहकारी संस्था कलमठ यांच्यावतीने 14 व 15 एप्रिल रोजी आयोजित करण्यात आला आहे. त्यानिमित्त 14 एप्रिल रोजी सकाळी 10 वा. अभिवादन, सायं. 4 ते 7 वा. फनीगेम्स, प्रश्नमंजुषा, होममिनिस्टर व रांगोळी स्पर्धा होणार आहे. 15 एप्रिल रोजी सायंकाळी 7 ते 9 वा. अभिवादन सभा व बक्षीस वितरण होणार आहे.

सभेचे अध्यक्षस्थान संस्थेचे अध्यक्ष गणपत पवार भूषविणार आहेत. यावेळी सामाजिक लोकशाहीची नायिका-स्त्री विषयावर प्रा. सुषमा हरकूळकर तर संविधानानंतरचा भारत आणि भारतीयांमधील बंधूभाव प्रा. पी.जे कांबळे यांचे मार्गदर्शन होणार आहे. रात्री 10 वा. नंतर सांस्कृतिक व विविध गुणदर्शन कार्यक्रम होणार आहे. या कार्यक्रमांना उपस्थित रहावे असे आवाहन संस्थेचे अध्यक्ष गणपत पवार व सचिव अंकुश पवार तसेच डॉ. बाबासाहेब आंबेडकर जयंती उत्सव समिती यांच्यावतीने करण्यात आले आहे.