आजचो पावस

आजचो ह्यो पावस,
पूर्वीसारखो रवलेलो नाय..
मिरगाक सुरू होता,
जोरजोरात घडघडता,
लखलखान उजेड,
घरादारात पोचयता.
मातयेचो वास,
रानावनात परंबळयता.
झाडा-झुडपांची धूळ,
धुवन तो काढता.
व्हाळातल्या दगड धोंड्याक,
न्हावक तो घालता.
आशेर रवलेल्या शेतकऱ्याक,
सुगीचे दिवस दाखयतात.
आंगाखाली फटकूर,
आणि
टकलेखाली पाट घेवनय,
सपनांची नीज तो दिता.
तसो,
आजचो ह्यो पावस
पूर्वीसारखो रवलेलो नाय.
कधी कोसाळता,
कधी ढगफुटी होता.
कधी धरणी मातेक,
व्हावन पण नेता.
सपनात निजलेल्यांका,
काळाच्या पडद्याआड करता.
कधी भल्या भल्या इमारतींचो,
पालो-पाचोळो करता.
हाता तोंडाक इलेल्या शेतार,
नांगरय फिरयता.

तसो आजचो ह्यो पावस…
पूर्वीसारखो रवलेलो नाय…!!

(दीपी)
दीपक पटेकर
८४४६७४३१९६