जागतिक मराठी साहित्य कला व्यक्तित्व विकास मंच सदस्य कवी दीपक पटेकर यांची काव्यरचना
खरंच दुर्मिळ झाला
आता आजीचा पदर
एकत्र कुटुंबावर होती
तिच्या मायेची चादर
आजी असते घरात
जणू दुधावरची साय
डोईवरी हात ठेवतसे
जशी जन्मदाती माय
रडू येता नातरांना जरा
पदर आजीचा पुसे डोळे
ओवाळून टाकतसे माती
समज असती देवभोळे
मांडीवर झोपवूनी आजी
चिऊकाऊच्या सांगी गप्पा
नातरांनाही आठवत नसे
झोपताना मम्मी न पप्पा
मी आणि माझा संसार
ही संकल्पना जन्मली
पोरका झाला तो पदर
नातवंडे आजीस मुकली
©[दिपी]✒️
दीपक पटेकर, सावंतवाडी
सिंधुदुर्ग ८४४६७४३१९६
