कुडाळ शहरातील भैरव वाडी येथे श्री देव भैरव मंदिर ते पंचायत समिती कार्यालयाच्या परिसरामध्ये आज एसटी बसचा अपघात झाला. हा बसचा तिसरा अपघात आहे. यापूर्वी दोन एसटी बस स्लिप होऊनच अपघातग्रस्त झाले होते.
दरम्यान काल शनिवारी पणजी ते कोल्हापूर एसटी बस भैरव मंदिर समोरील वळणावर आली असता त्याच वळणाच्या बाजूला कार उभी होती.
बस चालकाने ब्रेक मारल्यावर एसटी बस स्लिप होऊन उभ्या असलेल्या कार वर जाऊन धडकली. यामध्ये कारचा मागली भाग पूर्णपणे चक्काचूर झाला आहे. सुदैवाने कारमध्ये कोणी नसल्यामुळे कोणालाही इजा झाली नाही. पोलिसांनी घटनास्थळी दाखल होऊन अपघाताचा पंचनामा केला. परिसरात हा एसटी बसचा तिसरा अपघात असल्यामुळे नागरिकांमध्ये भीतीचे वातावरण पसरले असून याबाबत उपाययोजना कराव्यात अशी मागणी नागरिकांमधून होत आहे.
