पंतप्रधान नरेंद्र मोदी वाढदिवसानिमित्त सेवा सप्ताहचे आयोजन

वैभववाडी
पंतप्रधान नरेंद्र मोदी यांच्या वाढदिवसानिमित्त वैभववाडी भाजप वतीने आयोजित सेवा सप्ताहात विविध कार्यक्रम सुरु आहेत. सप्ताहाच्या सहाव्या दिवशी भाजपा महिला पदाधिकाऱ्यांनी सांगूळवाडी येथील कोवीड कक्षाला भेट देत रुग्णांना फळे वाटप केली. यावेळी समाजकल्याण सभापती शारदा कांबळे, पं. स. सदस्य हर्षदा हरयाण, कार्यकारणी सदस्य प्राची तावडे, माजी सभापती शुभांगी पवार व महिला उपस्थित होत्या.
शुक्रवारी स्टीम इनहेलर (वाफ घेण्याची मशीन) संच कोवीड कक्षातील रुग्णांसाठी आ. नितेश राणे यांनी भाजपाच्या वतीने उपलब्ध करून दिले आहेत. या मशीनचा चांगला फायदा कक्षात उपचार घेत असलेल्या कोरोना पॉझिटिव्ह रुग्णांना होत आहे. संपर्कातील व्यक्तींना स्वँब घेण्यासाठी सांगूळवाडी येथे क्वारंटाईन करण्यात आले आहे. त्यांनाही मशीन चा फायदा होत आहे. भाजपच्या वतीने राबविण्यात येत असलेल्या या सामाजिक उपक्रमाचे सर्वत्र कौतुक होत आहे.
फोटो – सांगुळवाडी येथील कोवीड सेंटरला फळे वाटप करताना वैभववाडी भाजपा महिला पदाधिकारी.