वैभववाडी
वैभववाडी तालुक्यातील ज्येष्ठ दिग्गज नेते, आणि एडगाव या गावच्या सामाजिक, शैक्षणिक, सांस्कृतिक, सहकार क्षेत्रातील अग्रणी, पितृतुल्य माजी सरपंच आणि भाजपा जिल्हा सरचिटणीस प्रमोद रावराणे यांचे वडील पुंडलिक रावराणे यांचे बुधवार दिनांक ६ ऑक्टोबर २०२१ रोजी रात्री ९.३० वाजण्याच्या दरम्यान दुःखद निधन झाले आहे.
पुंडलिक रावराणे यांनी वयाच्या ८७ व्या वर्षी अल्पशा आजारामुळे अखेरचा श्वास घेतला आहे. पुंडलिकराव रावराणे यांच्याकडे एक निरलस आणि तत्ववादी व्यक्तिमत्त्व म्हणून पहावे लागेल. त्यांच्या निधनामुळे अवघा तालुका हळहळला असून त्यांच्या रूपानं जुन्या पिढीतील समन्वयी युगाचा आणि एका पर्वाचा अस्त झाला आहे.
