*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी चंद्रशेखर कासार यांची साकव्य लावणी स्पर्धेत द्वितीय क्रमांक प्राप्त लावणी*

*कोंदण*

इश्काच्या दागिन्याला प्रेमाने मुलामा चढवा

राया हिरा जरा हळूच कोंदणात मढवा ||धृ||

ज्वानीच्या बाजारी उभी इष्काची सावकारी

आज नगद मिळेल उद्या ठेऊया उधारी

आधी राया दिलाने अंतरी प्रीत जुळवा

राया हिरा जरा हळूच कोंदणात मढवा ||१||

दागिना बघून घ्या सोन्याचा पाचू मोत्याचा

बावनकशी कस भाव चोवीस कॅरेटचा

निरखून पारखून डावा डोळा फिरवा

राया हिरा जरा हळूच कोंदणात मढवा ||२||

अलंकार लेऊन सजली धजली नार

उभार अंगाला सोसना ज्वानीचा भार

ज्वर चढला इष्काचा वैद्याची दवा मिळवा

राया हिरा जरा हळूच कोंदणात मढवा ||३||

कवी:-

*चंद्रशेखर प्रभाकर कासार*

*चांदवडकर,धुळे.*

७५८८३१८५४३.

८२०८६६७४७७.