*जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी संजय धनगव्हाळ लिखित अप्रतिम काव्यरचना*

*ज्ञान ज्योत सावित्रीबाई फुले* 

ज्ञानाची ज्योत पेटवणारी,

अंधाराशी लढणारी ती…

स्त्रीशिक्षणाची पहिली वाट

धैर्याने दाखवणारी ती…

चिखल-दगड सहन करूनही

पराभव तिने स्विकारला नाही,

अन्याय अत्याचाराच्या काळोखाला

ती कधीच घाबरली नाही.

हातात पुस्तक, मनात स्वप्न

समतेचा दीप उजळविला,

स्त्री-पुरुष समानतेचा

नवा मार्ग तिने दाखविला.

आजही तिच्या कार्यामुळे

ज्ञानाचा प्रकाश पसरतो,

सावित्रीबाईंच्या कर्तृत्वाचा

प्रत्येकास अभिमान वाटतो.

वंदन तुझ्या त्यागाला,

वंदन तुझ्या कार्याला,

भारतरत्न सावित्रीबाई फुले

शत-शत नमन तुला.

✍️ *संजय धनगव्हाळ*

‌ *(अर्थात कुसुमाई)*

९४२२८९२६१८

९५७९११३५४७