*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री विजया केळकर लिखित अप्रतिम काव्यरचना*

*वसंतोत्सव*

जीर्ण पिवळी पाने गळता शहारला

पाहुनी पर्णविहिन स्व रुप व्याकुळला

वारा हेलावला,हात हळुवार फिरवला

अचानक तांबुस रंगात पालवला,,,,,

परिसर वसंत कुसुमांनी दरवळला

लाल गुलमोहरासंगे बहावा झुलला

स्वागता पुष्पगुछ देत बोगनवेल वाकला

सुवासित कडूलिंब पिकस्वरे घुमला,,,,,

बोलका रावा थवा खिडकीत विसावला

कोणा वृक्षास केवळ फुलांनी नटवला

रंगीत तंतुमय फुलांनी शिरीष सजवला

आनंदाचा अनमोल खजिना गावला,,,,,

होलिकादहने मनामनातील द्वेष संपला

हात हाती गुंफले,जो-तो प्रेमरंगात रंगला

हसत स्नेहठसा उमटविण्यात गुंतला

मंगलमय कामना देण्यात रमला-दंगला,,,,,

विजया केळकर ______

नागपूर