*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ कवयित्री शीला पाटील लिखित अप्रतिम काव्यरचना*

*स्त्री…महिला दिन* 

कधी होऊन *आई*

गाते गीत अंगाई

तिच्याच पदरात मिळते

स्वर्गसुख मोठं बाई :१:

*बहीण* भावाची लाडी

बांधुन राखी हाताला

उदंड आयुष्य मागते

अयोध्येच्या श्रीरामाला:२;

बटव्यातून काढून देते

पोट दुखताचं ओवा

*आजीच्य* प्रेमात मिळते

साऱ्या दुनियेचा ठेवा :३:

येता दिवाळी दसरा

*आत्या* येते माहेराला

पाहुनी दोन दिवसांची

खाऊ आणते पदराला:४:

माय मरो *मावशी* जगो

जगाची न्यारी रीत

अर्धे सुख पदरात तिच्या

मावशीची नवी प्रीत :५:

सात जन्माची बांधुन गाठ

माप ओलांडते दरवाजाचे

ऋणानुबंधाच्या बांधुन गाठी

कार्य करते *पत्नीधर्माचे* :६:

*आई,बहीण,मावशी,आजी*

नाती असती आयुष्याला

त्यांच्या विना जीवनात

मजा नाही जगण्याला:७:

*शीला पाटील. चांदवड.*