*ज्येष्ठ लेखिका कवयित्री पल्लवी उमरे लिखित संत गाडगेबाबा जयंती निमित्त अप्रतिम अभंगरचना*
# संत गाडगेबाबा
थोर राष्ट्रसंत / डेबूजी ते नाम
स्वच्छ करी ग्राम / जनसेवा /
हातात खराटा / मुखात गोपाला
गजर तो केला / किर्तनाचा /
अनिष्ट रुढींचे / करी निर्मुलन
केले प्रबोधन / जनहिता /
गावांचा विकास / शिक्षण प्रचार
ज्ञानाचा प्रसार / गावोगावी /
गोरगरिबांना / देऊन आधार
केलास उद्धार / अपंगांचा /
ज्ञानाचीच गंगा / किर्तनात वाहे
देव शोधू पाहे / दुबळ्यात /
बांधी धर्मशाळा / प्रजाहितासाठी
कुष्ठरोग्यांसाठी / सेवाव्रत /
जाती, पंथ ,भेद / करूनीया नष्ट
सारिले अनिष्ट / वर्णभेद /
संत शिरोमणी / विदर्भ भूषण
डेबूजी महान / कर्मयोगी /
पल्लवी उमरे मुंबई ✍️
