*ज्येष्ठ लेखिका कवयित्री चित्रकारा आदर्श शिक्षिका स्वप्नगंधा सतीश आंबेतकर लिखित अप्रतिम काव्यरचना*

*जय गजानन महाराज*

गण गण गणांत बोते

आजच्या दिनी प्रकटले

महाराज श्री गजानन,

शेगांवीचे भाग्य उजळे

कृपासिंधू कारुण्यघन/१/

आशीर्वाद असता देवा

कृपा तुझीच आम्हावरी,

गण गण गणांत बोते

मंत्र जप प्रत्येक घरी/२/

मनुदेही ईश्वरावतार

साधे सोज्वळ रुप जरी,

अंतर्यामी वात्सल्य प्रेम

निस्पृह ममतेच्या सरी/३/

शांत भाव वदनावरी

प्रसन्नचित्त समाधानी,

दुसर् यांचे दु:ख शिरी

स्मितहास्य आनंदघनी/४/

तव दर्शने होती भक्त

पावन, संकटमोचनी,

शरण येऊनी दर्शना

नतमस्तक त्वचरणी/५/

सहज सोप्या जनसेवा

परमार्थ जाणून करी,

प्रिय तो देवा सेवाभाव

कृपादृष्टांत भक्तांवरी/६/

तुझीच कृपा गजानना

सौख्य शांतीत समाधान,

तुझिया दर्शन सानिध्यात

सेवेत ,मी व्हावे विलिन/७/

🙏🌹🙏

स्वप्नगंधा सतीश आंबेतकर

कला शिक्षिका

PC# मयुरी सतीश आंबेतकर