*ज्येष्ठ लेखिका कवयित्री चित्रकारा आदर्श शिक्षिका स्वप्नगंधा सतीश आंबेतकर लिखित अप्रतिम काव्यरचना*

*शीर्षक : स्वप्नांना पंख नवे*

स्वप्नांना पंख नवे म्हणती कसे

मज हेच हवे, जे नवे तेच हवे

गतवर्षी पाऊलखुणा सोडुनी

नववर्षाचे सुंदर लेणे मन भावे /१/

मनाच्या हिंदोळ्यावर झुलती

नव स्वप्नांचे रंगीत आकाशदिवे

त्यांच्या गवाक्षांतुनि झिरपती

आकांक्षांचे सप्तरंगी किरण नवे /२/

या हो या सारे गाऊ गीत नवे

सर्वांनी मिळून करु स्वागता

नववर्षाचे फुलती हास्यथवे

गतवर्षास साश्रू निरोप देता /३/

कालचक्र फिरे दावीत किमया

त्यास नसे कुणाचीच चिंता

स्वार्थाभोवती फिरते दुनिया

येणारा दिन असाच ओसरता /४/

करु नका तुम्ही उगाच क्षिती

हसतखेळत नवागताची नांदी,

कटुता न मागची,उदास स्मृती

नवोर्मिने नित राहू सारेआनंदी /५/

उद्याउगवेल नवप्राचीशुभारंभी

स्वर्णकिरणोत्सर्ग स्वागतारंभी

सुसंस्कृत वरदान मिळे मानवा

सद्भावना,सत्संग नववर्षारंभी /६/

स्वप्नगंधा सतीश आंबेतकर

कला शिक्षिका.