*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी बाबा ठाकूर लिखित अप्रतिम काव्यरचना*

*व्यक्तीमत्व ..पुन्हा गवसले….!!*

माझ्या मनाचा कोपरा

मीच ..हळवा केला

स्पर्शही न करता

ह्दयी झोका झुलला..

बंदमनाची दार-खिडक्या उघडल्या

स्वातंत्र्याचा गंध लाभला

शहाण्याचा ..अर्धवेडा होताचं

डोक्यावरून ..कावळा उडाला…

मुक्यानं हरवलेलं.. फाटकं

व्यक्तीमत्व पुन्हा गवसले

कोकीळेला घरटं मिळालं

जगण्याचे.. अर्थ कळाले..!

कुणालाच न सांगता

पुढे निघून जाईन

माती आकाशवारा प्रकाश

सुर्याच्यादिशेने फेकून देईन ..!

क्षितिज माझ्यावर झुकलं

जिव्हाळा अंगणात आला

स्वातंत्र्याचा गंध मिळाला

शहाणा ….वेडा झाला…!

विस्कटली माझी नीज

माझं मीच ठरवतो

कोणालाचं न विचारता

आयत्याघरांत जाऊन राहतो..

आयतं व्यक्तीमत्व..पुन्हा गवसलं

निसटत्या आयुष्याचं……………. बोट धरू लागलं…

बाबा ठाकूर