*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*नाव सोडते नदी किनार*

थंडी गुलाबी हवा शराबी

कोवळ्या उन्हाची वेगळीच चव

स्वेटर मफलर आले कामाला

शांतता पसरली येथे निरव

समाधान सांडतय चेह-यावरती

शालीची नाही आता *जरूर*

मफलर काढतो आठवण तुझी

आडवतो उडणारे केस भुरभुर

आठवण छळते रोज जरी

मनाला घातलीय पाबंदी

कविता भेटते तेवढी पुरे

उडायच नाही *स्वच्छंदी*

भेट आभासी रोज रोजची

बळ देतसे *जगण्याला*

अर्थ मिळतो अनर्थ टळतो

साक्षी ठेवून पवित्र घाटाला

दर्शन होता नियमित सकाळी

कविता स्फुरते *बिनतक्रार*

नाही लागत घ्यावे उत्तेजक

*नाव सोडते नदी “किनार”*

विनायक जोशी 🖋️ठाणे

मीलनध्वनी/92424157