*जागतिक साहित्य कला व्यक्तित्व विकास मंचचे जनसंपर्क अधिकारी कवी श्री विलास कुलकर्णी आप्पा लिखित अप्रतिम लावणी*

*मॉल…*

चला जोडीनं कारभारी मॉलमंदी जाऊ

फुकाट थंडी थंडी एसीची हवा खाऊ l

एका दिसाचा फकस्त लागलाय सेल

एका वर एक फ्री मिळेल समदा माल

कसा मोह टाळू सांगा काय काय घेऊ

फुकाट थंडी थंडी एसीची हवा खाऊ l

पर्स साडी चप्पल नको उगीच दिखाऊ

सेल असला तरीही चांगली पाहून घेऊ

नक्षीदार शिडीने वरती माळ्यावर जाऊ

फुकाट थंडी थंडी एसीची हवा खाऊ l

सांभाळा तुम्ही पोराला मॉल घेते बघून

पाहून भारी झगमग डोळे गेलेत दिपून

नव्या साडीत मस्तानी उठून दिसेल राऊ

फुकाट थंडी थंडी एसी ची हवा खाऊ l

विलास कुलकर्णी

मीरा रोड