*ज्येष्ठ लेखिका कवयित्री सामाजिक कार्यकर्ती आदर्श शिक्षिका अनुपमा जाधव लिखित अप्रतिम काव्यरचना*
*कविता*
मी लिहिन कविता
कोणी वाचो वा न वाचो
मांडीन मी शब्द यज्ञ
देव भेटो वा न भेटो
माझे शब्द दुबळ्यांचे
अश्रू टिपून घेतील
माझे शब्द दु:खितांना
सूर सुखांचे देतील
माझे शब्द पेलतील
ऊन वादळाचा मारा
माझे शब्द झेलतील
धुंद पावसाच्या धारा
माझ्या कवितेमधून
फुले कळ्यांची होतील
माझ्या शब्दांच्यामधून
ढग आकार घेतील
कवयित्री
अनुपमा जाधव
डहाणू
