*जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी प्रा. डॉ जी आर उर्फ प्रवीण जोशी लिखित अप्रतिम लावणी*

*शेज लावणी*

तुमच्या नावे किंमती अमानत

लुटा की राजा राती दौलत

ll ध्रु ll

यावे राजा मंचकी बसावे

तबक विडा जवळी घ्यावे

आतुरलेली शय्या लाजत

लुटा की राजा राती दौलत

ll 1 ll

चंद्र चांदणं अत्तर शिंपीत

जाई जुईची फुलवत रात

ज्योत पणती भिजती वात

लुटा की राजा राती दौलत

ll 2 ll

दरबार सजला शिश महाली

गालिचा झूम्बर कनात जाळी

साक्ष्यात लक्शुमी तुमच्या दारात

लुटा की राजा राती दौलत

ll 3 ll

शेज सजली चाफा फुलांची

गुलाब दाणी हीना अत्तराची

सुगंध दरवळे रात दरबारात

लुटा की राजा रातची दौलत

ll 4 ll

हिरवी कंचुकी मोर नाचरा

पैठणीतील पदर साजरा

उघडा कुपितील गंध लाजरा

नैवेद्याला हीच खिरापत

लुटा की राजा राती दौलत

ll 5 ll

प्रा डॉ प्रविण जी आर जोशी

ज्येष्ठ साहित्यिक

कॉपी राईट