*ज्येष्ठ कवी श्री मोहन मराठे लिखित अप्रतिम काव्यरचना*

*”गुरु एक तत्व”*

स्वामी – गजानन, दोन्ही एक

त्यांसी मी वंदितो,

गजानन – स्वामी गीत आळवितो / धृ/

भूपाळीचे सूर कानी आले

शहनाई चौघडे,नाद उठू लागले

मंदिरात स्वामी, गजानन घोष

त्या घोषांने,भान हरपतो. / गजानन स्वामी/

भक्त जनांत, उत्साह उधाण

नाम किर्तनात,नुरले देहभान

नको संसाराचा पाश, नको मोहमाया

गजानन – स्वामींशी पुन्हा मी स्मरीतो/ गजानन स्वामी/

गुरुराज आई, गजानन आई

तव दर्शनाची,लागलीसे घाई

मज पामरास, नाही तुमचा ठाव

कंठ दाटूनी,करुणा मी भाकितो / गजानन स्वामी/

गुरु एक तत्व,मायेचे ममत्व

ब्रह्मानंद,ब्रह्म तत्व विदेही स्वरूप

सोसवेना आता गुरु हो,हा भवताप

स्वामी गजानन, एक मी पहातो/ गजानन स्वामी/

रचना:– मोहन मराठे