*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी चंद्रशेखर धर्माधिकारी लिखित अप्रतिम काव्यरचना*

*अलौकिक योगी संत ज्ञानेश्वर*

महाराष्ट्र संतमंडळीत

असे तत्वज्ञानी ज्ञानेश्वर

ब्रह्मचारी अलौकिक योगी

ज्ञानी प्रासादिक ग्रंथकार

ज्ञानदेवाची निर्मळ किर्ती

दिव्य घोषाने दुमदुमली

संक्रमणावस्थेतही ज्ञाना

सर्व भक्तगणांची माऊली

वारकरी पंथ प्रवर्तक

भोळ्या भाविकांशी एकजीव

निवृत्तीनाथ तयांचे गुरु

शिष्य जाहले ज्ञानदेव

नाथपंथाची घेऊनी दीक्षा

ज्ञानदेव निष्णात जाहले

मोक्षप्राप्तीचे साधन भक्ती

ज्ञानेश्वरीने उलगडले

भावार्थदीपिका रचताना

गीतार्थाचा करुनी विचार

तत्वविचारांचा मेळ असा

भक्तीमय आनंद अपार

तीर्थाटन करावया सवे

नामदेवादि संतमंडळी

वैष्णवपंथाच्या प्रसारार्थ

नामदेव दायित्व सांभाळी

कार्तिक वद्य त्रयोदशीला

ज्ञानियाचा समाधी सोहळा

ज्ञानाच्या गोतावळ्या सोबत

दाटला इंद्रायणीचा गळा

चंद्रशेखर द. धर्माधिकारी

पुणे