इंद्रायणीनगर, भोसरी (पुणे):

येथील श्री टागोर माध्यमिक विद्यालयाच्या दोन विद्यार्थ्यांनी जिल्हास्तरीय ‘इन्स्पायर मानक प्रदर्शन २०२४-२५’ मध्ये उत्कृष्ट कामगिरी करत, आता जिल्हास्तरीय प्रदर्शनासाठी आपली जागा निश्चित केली आहे. ‘विज्ञान आणि तंत्रज्ञान’ (Science and Technology) विभागाच्या या महत्त्वाकांक्षी योजनेत श्री टागोर विद्यालयाच्या विद्यार्थ्यांच्या कल्पकतेला मोठे व्यासपीठ मिळाले आहे.

जिल्हा प्रदर्शनात निवड झालेले हे दोन महत्त्वाकांक्षी प्रकल्प असे:

‘महिला संरक्षण कवच’ (Women Protection Shield) : महिला सुरक्षेच्या दृष्टीने अत्यंत आवश्यक असलेला हा प्रकल्प कु. प्रियंका रवींद्र असलकर इ 10 वी (विद्यार्थिनी) ही सादर करणार आहे.

‘इन्फिनिटी बाईक’ (Infinity Bike) : भविष्यवेधी तंत्रज्ञान आणि अभिनव ऊर्जा संकल्पनेवर आधारित हा प्रकल्प कु. आर्यन प्रताप वाघमारे (विद्यार्थी इ 9 वी) याने तयार केला आहे.

या दोन्ही विद्यार्थ्यांच्या प्रकल्पांना आता जिल्ह्याच्या स्तरावर सादर करण्याची संधी मिळणार आहे, जिथे त्यांची निवड जिल्हा प्रदर्शनासाठी होऊ शकते.

या यशाबद्दल श्री टागोर शिक्षण संस्थेचे अध्यक्ष व अण्णासाहेब मगर सहकारी बँकेचे चेअरमन श्री. नंदकुमार लांडे पा. यांनी विद्यार्थ्यांच्या वैज्ञानिक दृष्टिकोनाचे कौतुक केले आणि त्यांना पुढील जिल्हा प्रदर्शनासाठी शुभेच्छा दिल्या.

विज्ञान विषय मार्गदर्शक शिक्षिका पाटोळे माया यांचे शाळेचे मुख्याध्यापक श्री हनुमंत आगे व संतोष काळे यांनी विद्यार्थ्यांचे व शिक्षकांचे विशेष अभिनंदन केले. तसेच विद्यार्थ्यांच्या या लक्षवेधी कामगिरीमुळे केवळ विद्यालयाचेच नव्हे, तर श्री टागोर शिक्षण संस्थेचे नाव उज्वल झाले आहे. असे मत संस्थेचे सचिव श्री सुरेश फलके यांनी व्यक्त केले. संस्थेचे उपाध्यक्ष महेश घावटे व सर्व संचालक मंडळ यांनी सर्व विद्यार्थ्यांचे अभिनंदन केले.