*आंब्रडमध्ये दिव्यांग बांधवांच्या मेळाव्याला उत्कृष्ट प्रतिसाद*

सिंधुदुर्ग

सिंधुदुर्ग साईकृपा अपंगशक्ती बहुउद्देशिय शिक्षण संस्था कसाल सिंधुदुर्ग व जिल्हा दिव्यांग पुनर्वसन केंद्र सिंधुदुर्ग व आंब्रड ग्रामपंचायत यांच्या संयुक्त विद्यमाने गुरुवार दिनांक 06/11/2025 रोजी आंब्रड या गावातील दिव्यांग बांधवांचा मेळावा सकाळी 11.00 वाजता संपन्न झाला. या मेळाव्यामध्ये आंब्रड गावचे सरपंच मानसी कदम, सामाजिक कार्यकर्ते आबा मुंज ग्रामपंचायत सदस्य व कर्मचारी तसेच संस्था अध्यक्ष अनिल शिंगाडे सर,संस्था कर्मचारी प्रणाली दळवी,विशाखा कासले,हर्षद खरात आदी मान्यवर उपस्थित होते. मान्यवरांच्या वतीने स्वागत समारंभ करून कार्यक्रमाची सुरुवात करण्यात आली.संस्था अध्यक्ष अनिल शिंगाडे सरांनी दिव्यांग बांधवांना मार्गदर्शन केले. व संस्थेबद्दल थोडक्यात माहिती दिली. साईकृपा संस्थेच्या वतीने दिनानाथ चव्हाण व किशोरी तेली यांना कानाची मशीन देण्यात आली.या मेळाव्याला 40 हून जास्त दीव्यांग उपस्थित होते.सामाजिक कार्यकर्ते आबा मुंज यांच्या वतीने सर्व दिव्यांग बांधवांना भेटवस्तू देण्यात आली. तसेच ग्रामपंचायतीच्या वतीने सर्व दिव्यांग बांधवांना चहा व नाष्टाची व्यवस्था करण्यात आली.संस्था कर्मचारी दळवी मॅडम यांनी उपस्थितांचे आभार मानून कार्यक्रम संपन्न झाला असे जाहीर केले.