*उपक्रमशील, आदर्श शिक्षिका, ज्येष्ठ साहित्यिका, कथाकार, सामाजिक कार्यकर्ती, पर्यावरण प्रेमी अनुपमा जाधव लिखित अप्रतिम काव्यरचना*

*बाई*

(अहिराणी बोली)

बाई आणि माणूस

यासनामा भेद काय ?

दोन्हीसले हात शेतस

दोन्हीसले पाय

दोन्हीसले बुध्दी शे

दोन्हीसले मन

दोन्हीस्नापास शे

इचारनं धन

तरीबी बाईले

का बर म्हंणतस अबला

अबला नही ती

ती शे सबला

बाई शे आदिशक्ती

बाई शे जिजाई

बाई शे ताराबाई

ती शे लक्ष्मीबाई

ती शे सावित्री

ती शे रमाई

ती रान तुडावस

इमान उडावस

डोंगर चढस

लढाई लढस

काही म्हणता काहीबी

कमी नाही बाईमा

दहा दिशा आणि आभाय

भरस ती मिठीमा

अनुपमा जाधव