*जागतिक साहित्य कला व्यक्तित्व विकास मंच तथा काव्य निनाद साहित्य मंच पुणे समूहाच्या सन्मा. सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*

*माऊलीच्या भेटीसाठी*

माऊलीच्या भेटीसाठी

झाला जीव कासावीस

चैन पडेना मनाला

रात्रंदिन मोजी दिस

-****************१

भेट तुझी माझी माय।

झाली होती आषाढीला

कधी येणार कार्तिकी ?

जीव तुझ्यात गुंतला

*************** २

नको आता अंत पाहू

धाड मज आवतण

दिन रात मनामध्ये

तुझे होतसे स्मरण

************** ३

धाव पाव विठाबाई

येग मला नेण्यासाठी

जीव गुंतला तुझ्यात

नेत्री आसवांची दाटी

—-************* ४

देई दर्शन त्वरित

पसरते माझी झोळी

नम्रपणे विनविते

तुझी एक दासी भोळी

***************५

प्रतिभा पिटके

अमरावती