*ज्येष्ठ लेखिका कवयित्री चित्रकारा आदर्श शिक्षिका स्वप्नगंधा सतीश आंबेतकर लिखित अप्रतिम काव्यरचना*

*भाऊबीज*

दरवर्षी येई दिवाळीचा सण

माहेरच्या आठवात रमे मन,

आईबाबा आणि भाऊबहीण

भाऊबीजेला दाराकडे लोचन.

🌷

कधी येई भाऊराया,

तया कधी ओवाळिन ,

होते जसे राम लक्ष्मण

तसेच माझे भाऊ दोन.

🌷🌷

बहिणींची वेडी माया

दोन्ही भाऊ गुणवान,

भावांची त्यावरी छाया

बहिणींना मिळे वरदान .

🌷🌷🌷

अशा सुसंस्कारी सुशिक्षित

वारसा चाले घराण्याचा,

आईवडिलांची शिकवण

सन्माने जपती ठेवा त्याचा.

🌷🌷🌷🌷

सर्व बहिणींना आधार

कोणत्याही वेळी गरजेला,

धाऊन येती सत्वर, असे

असावे भाऊ बहिणीला.

🌷🌷🌷🌷🌷

कितीतरी महागड्या देती

भेटी, तरी मायेची पाखर,

आईबाबा नंतरही माहेर

हाच भाऊबीजेचा आहेर.

🌷🌷🌷🌷🌷🌷

स्वप्नगंधा सतीश आंबेतकर

विरार